პროგრამული უზრუნველყოფის განახლება შეიძლება მოიცავდეს, მაგრამ არამარტო, შემდეგს
მოწყობილობის საუკეთესოდ გამოსაყენებლად, მუდამ განაახლეთ მისი პროგრამა და რეგულარულად ამოწმეთ პროგრამული უზრუნველყოფის განახლებები.

Galaxy A71 (SM-A715F)

ჩაშენების რაოდენობა : A715FXXSBDXB1

Android-ის ვერსია : T(Android 13)

გამოშვების თარიღი : 2024-03-26

უსაფრთხოების შესწორების დონე : 2024-02-01

• თქვენი აპარატის უსაფრთხოება გაიზარდა.

ჩაშენების რაოდენობა : A715FXXUADWH4

Android-ის ვერსია : T(Android 13)

გამოშვების თარიღი : 2023-09-21

უსაფრთხოების შესწორების დონე : 2023-08-01

• სტაბილურობა და საიმედოობა
მოწყობილობის ქცევა გაუმჯობესდა.
• უსაფრთხოება
მოწყობილობა დაცულია გაუმჯობესებული უსაფრთხოებით.

ჩაშენების რაოდენობა : A715FXXUADWF1

Android-ის ვერსია : T(Android 13)

გამოშვების თარიღი : 2023-06-30

უსაფრთხოების შესწორების დონე : 2023-06-01

ჩაშენების რაოდენობა : A715FXXS9DWD1

Android-ის ვერსია : T(Android 13)

გამოშვების თარიღი : 2023-05-01

უსაფრთხოების შესწორების დონე : 2023-04-01

• თქვენი აპარატის უსაფრთხოება გაიზარდა.

ჩაშენების რაოდენობა : A715FXXU8DWB5

Android-ის ვერსია : T(Android 13)

გამოშვების თარიღი : 2023-03-16

უსაფრთხოების შესწორების დონე : 2023-02-01

One UI 5.1-ის განახლება

One UI 5.1-ის თქვენი ტელეფონი აჰყავს ახალ დონეზე, გალერეის ახალი ფუნქციების გზით, მათ შორის, პროდუქტიულობისა და პერსონალიზაციის გაუმჯობესებებით.

კამერა და გალერეა

უფრო ენერგიული ძებნა
ახლა თქვენ შეგიძლიათ გალერეაში ერთზე მეტი ადამიანი ან თემა ერთდროულად მოძებნოთ. თქვენ შეგიძლიათ ადამიანები მოძებნოთ მათი სახელების მონიშვნის გარეშეც, მხოლოდ მათ სახეებზე შეხებით.

სურათის გაძლიერებული გაუმჯობესება
გაუმჯობესების ფუნქცია ნამდვილად დიდ საქმეს აკეთებს, რომ ჩრდილებისა და ანარეკლების წაშლით თქვენი სურათები შესანიშნავად გამოიყურებოდეს. უკეთესი გარჩევადობისა და სიცხადისთვის, ასევე შეგიძლიათ GIF-ების გაუმჯობესება. ასევე გაუმჯობესდა წინასწარი გადახედვა, რათა გაადვილდეს ორიგინალი და გაუმჯობესებული სურათის ერთმანეთთან შედარება.

შექმენით ოჯახის ზიარი ალბომი
თქვენს ოჯახთან ერთად სურათების გაზიარება ეხლა უფრო ადვილია, ვიდრე ოდესმე. გალერეა გირჩევთ სურათები დაამატოთ ოჯახის ზიარ ალბომში თქვენ მიერ არჩეული თქვენი ოჯახის წევრების სახეების ამოცნობით. თქვენ მიიღებთ 5 გბ საცავს ოჯახის თითოეულ წევრზე (6 ადამიანამდე).

განახლებული ინფორმაციის ჩვენება
როდესაც თქვენს გალერეაში სურათის ან ვიდეოს ნახვის დროს გადაფურცლავთ ზემოთ, შეგიძლიათ ნახოთ როდის და სად გადაიღეს სურათი, რომელი მოწყობილობით არის სურათი გადაღებული, სად ინახება სურათი და სხვა. ახლა უფრო მარტივი განლაგებით.

რამდენიმე დავალების შესრულება

მარტივად შეამცირეთ ან გადაერთეთ სრულ ეკრანზე
ახლა შეგიძლიათ მინიმუმამდე შეამციროთ ან მაქსიმუმამდე გაზარდოთ აპლიკაციის ფანჯარა ოფციების მენიუში გადაუსვლელად. უბრალოდ გადაათრიეთ ერთ-ერთი კუთხე.

წვდომა ყველაზე ხშირად გამოყენებულ აპლიკაციებზე ეკრანის გაყოფის რეჟიმით
როდესაც გახსნით გაყოფილი ეკრანის ხედს, აპლიკაციები, რომლებსაც ყველაზე ხშირად იყენებთ, ნაჩვენები იქნება თქვენი ბოლო დროს გამოყენებული აპლიკაციების ქვემოთ, რათა დაგეხმაროთ უფრო სწრაფად იპოვოთ თქვენთვის საჭირო აპლიკაციები.

რეჟიმები და რუტინული მოქმედებები

შეცვალეთ ფონები თქვენი რეჟიმის მიხედვით
დააყენეთ სხვა ფონი მიმდინარე აქტივობის მიხედვით. აირჩიეთ ერთი ფონი სამუშაოდ, ერთი ვარჯიშისთვის და სხვა.

სხვა მოქმედებები რუტინული აქტივობებისთვის
ახალი მოქმედებები საშუალებას გაძლევთ აკონტროლოთ სწრაფი გაზიარება და სენსორის აღქმა, შეცვალოთ თქვენი ზარის მელოდია და შეცვალოთ თქვენი შრიფტის სტილი.

ამინდი

სასარგებლო ინფორმაციაზე სწრაფი წვდომა
ამინდის აპლიკაციის ზედა ნაწილში შეამოწმეთ ამინდის მკაცრი გაფრთხილებები, ამინდის ყოველდღიური შეჯამებები და მზის ამოსვლის/ჩასვლის დროები. ტემპერატურის გრაფა ახლა იყენებს ფერებს იმის საჩვენებლად, თუ როგორ იცვლება ტემპერატურა დღის განმავლობაში.

ნალექების საათობრივი გრაფა
საათობრივი გრაფა ახლა გვიჩვენებს, თუ რამდენი ნალექი მოვიდა დღის სხვადასხვა მონაკვეთში.

ამინდის ვიჯეტის შეჯამება
მიმდინარე ამინდის პირობების მოკლე შეჯამება ახლა გამოჩნდება ამინდის ვიჯეტზე, რათა გაცნობოთ მზეა, მოღრუბლულია, წვიმს თუ თოვს.

Samsung-ის ინტერნეტი

განაგრძეთ დათვალიერება სხვა მოწყობილობაზე
თუ ქსელს ერთ Galaxy ტელეფონზე ან პლანშეტზე ათვალიერებთ და მოგვიანებით გახსნით ინტერნეტ აპლიკაციას სხვა Galaxy მოწყობილობაზე, რომლის სისტემაშიც შესული ხართ იმავე Samsung account-ით, გამოჩნდება ღილაკი, რომელიც საშუალებას გაძლევთ გახსნათ ბოლო ვებგვერდი, რომელსაც ნახულობდით მეორე მოწყობილობაზე.

გაუმჯობესებული ძებნა
ახლა თქვენი ძებნა მოიცავს სანიშნეების საქაღალდეების და ჩანართების ჯგუფების სახელებს. გაუმჯობესებული საძიებო ლოგიკა საშუალებას გაძლევთ იპოვოთ ის, რასაც ეძებთ, მაშინაც კი, თუ რაღაც სწორად არ არის დაწერილი.

დამატებითი ცვლილებები

შეამოწმეთ თქვენი მოწყობილობების კვების ელემენტის დონე
ახალი კვების ელემენტის ვიჯეტი საშუალებას გაძლევთ შეამოწმოთ თქვენი მოწყობილობების კვების ელემენტის დონე პირდაპირ საწყისი ეკრანიდან. თქვენ ხედავთ ტელეფონზე, Galaxy Buds-ზე, Galaxy Watch-ზე და სხვა მხარდაჭერილ მოწყობილობებზე დარჩენილი კვების ელემენტის ოდენობას.

შემოთავაზებული პარამეტრები
Samsung account-ზე შესვლის დროს, შემოთავაზებები გამოჩნდება პარამეტრების გვერდის ზედა ნაწილში, რომ დაგეხმაროთ გააზიაროთ, დააკავშიროთ და გააუმჯობესოთ თქვენი გამოცდილება თქვენს Galaxy მოწყობილობებს შორის.

აირჩიეთ სად შეინახოთ ეკრანის ანაბეჭდები და ეკრანის ჩანაწერები
ახლა შეგიძლიათ შეცვალოთ საქაღალდე, სადაც ეკრანის ანაბეჭდები და ეკრანის ჩანაწერები ინახება.

ჩაშენების რაოდენობა : A715FXXU8DVK5

Android-ის ვერსია : T(Android 13)

გამოშვების თარიღი : 2022-12-07

უსაფრთხოების შესწორების დონე : 2022-11-01

One UI 5 პროგრამული განახლება (Android 13)

One UI 5 გთავაზობთ უფრო მძლავრ პერსონალიზაციას და აადვილებს სხვადასხვა საქმის შესრულებას თქვენს Galaxy მოწყობილობებს შორის.

ვიზუალური დიზაინი

ახალი აპლიკაციის ნიშნები და ილუსტრაციები
ნიშნების სიმბოლოები უფრო დიდია და უფრო მუქად არის ნაჩვენები, რაც ამარტივებს წაკითხვას. ფონის უბრალო გრადიენტი და გაუმჯობესებული კონტრასტი ახალ და უფრო ბუნებრივი აღქმის საშუალებას იძლევა. შეიქმნა ახალი დახმარების ილუსტრაციები ყველა აპლიკაციისთვის თანმიმდევრული იერის მისაცემად.

უფრო გამართული, ვიდრე ოდესმე ყოფილა
ახალი ანიმაციები და გადასვლის ეფექტები ეკრანებს შორის გადასვლის შეგრძნებას უფრო ბუნებრივს ხდის. ანიმაციები და სხვა ვიზუალური უკუკავშირი მყისვე ჩნდება, როდესაც ეხებით ეკრანს, რაც თანამშრომლობას უფრო ინტუიციურს ხდის. ასევე გაუმჯობესდა გადაფურცვლის სიჩქარე One Ui-ში გადაფურცვლის უფრო უხარვეზო შესრულებისთვის.

გაუმჯობესდა გაბუნდოვნების ეფექტები და ფერები
ფონის დაბინდვის ეფექტები სწრაფ დაფაზე, საწყის ეკრანზე და One UI-ზე გაუმჯობესდა უფრო ნათელი ფერებით უფრო მკაფიო და თანმიმდევრული გამოცდილებისთვის. აპლიკაციის ფერის გამარტივებული სქემები გეხმარებათ თავიდან აირიდოთ ყურადღების გაფანტვა და მოახდინოთ ფოკუსირება მიმდინარე დავალებაზე.

მორგება

მოირგეთ ეკრანის დაბლოკვის ფუნქცია
შესწორებისთვის უბრალოდ ხანგრძლივად შეეხეთ ეკრანის დაბლოკვის ფუნქციას. რა შეიძლება იყოს უფრო მარტივი? მოირგეთ თქვენი სამუშაო დაფის ფონი, საათის სტილი, შეტყობინების პარამეტრები და სხვა ერთ ადგილზე წინასწარი ხედის პირდაპირი ჩვენების გამოყენებით.

სამუშაო დაფის ფონის მეტი არჩევანი
შეიცვალა სამუშაო დაფის ფონის პარამეტრების დიზაინი, რამაც გაამარტივა თქვენი საწყისი გვერდისა და დაბლოკილი ეკრანის სურათისთვის იდეალური სამუშაო დაფის ფონის პოვნა. უფრო მეტი ასარჩევი სურათი, ვიდეო, ფერი და ფილტრი, ვიდრე ოდესმე.

სხვა ვარიანტები თქვენი ფერის პალიტრისთვის
უფრო მარტივია თქვენთვის სასურველი ფერების პოვნა. აირჩიეთ 16-მდე ფერის თემიდან თქვენი სამუშაო დაფის ფონის გათვალისწინებით, ისევე როგორც წინასწარ დაყენებული ფერის თემები, რომლებიც შექმნილია ისე, რომ საოცრად გამოიყურებოდეს.

მარტივად ნახეთ ვინ გირეკავთ
თითოეული კონტაქტისთვის დააყენეთ ზარის განსხვავებული ფონი, რათა თვალის სწრაფი შევლებით ადვილად ამოიცნოთ, თუ ვინ რეკავს.

რეჟიმები და რუტინული მოქმედებები

აირჩიეთ რეჟიმები თქვენს აქტივობაზე დაფუძნებით
აირჩიეთ რეჟიმები იმაზე დაფუძნებით, თუ რას აკეთებთ, მაგ., ვარჯიში, მუშაობა ან დასვენება, რის შემდეგაც აირჩიეთ თუ რა გსურთ რომ გააკეთოს თქვენმა ტელეფონმა ცალკეულ სიტუაციაში. მაგალითად, ჩართეთ „არ შემაწუხოთ” რეჟიმი, როდესაც ისვენებთ, ან უკრავთ მუსიკას მანქანის ტარების დროს.

“დაძინების” რეჟიმი გახდა ძილის რეჟიმი
ძილის რეჟიმი გაძლევთ საშუალებას შეასრულოთ მეტი ავტომატური მოქმედება დაწოლის პერიოდის დადგომის დროს, როგორიცაა მაგალითად, ბნელი რეჟიმი ან ხმის რეჟიმის შეცვლა.

უფრო მარტივია წინასწარ დაყენებული რუტინული მოქმედებების აღმოჩენა
გამარტივებული განლაგება ამარტივებს თქვენთვის გამოსადეგი რუტინული მოქმედებების მოძიებას.

სწრაფად შეამოწმეთ მიმდინარე რუტინული მოქმედებები
ახლა მიმდინარე რუტინული მოქმედებები ნაჩვენებია რუტინული მოქმედებების ეკრანის ზედა მხარეს, ისე, რომ თქვენ შეგიძლიათ გაიგოთ თუ რა ხდება და საჭიროების შემთხვევაში, შეიტანოთ ცვლილებები.

მეტი ქმედება და გარემოება თქვენი რუტინული მოქმედებებისთვის
რუტინული მოქმედებების ავტომატურად დაიწყება, როდესაც იყენებთ თვითმფრინავის რეჟიმს ან მობილურ უსადენო ქსელს. რუტინულ მოქმედებებს ახლა უკვე შეუძლიათ აპლიკაციის წყვილების გახსნა და მარცხენა/მარჯვენა ხმის ბალანსის მორგება.

საწყისი ეკრანის ვიჯეტები

დააჯგუფეთ ვიჯეტები საწყის ეკრანზე
ჩასვით ერთი და იგივე ზომის რამდენიმე ვიჯეტი ერთ ვიჯეტში, რათა დაზოგოთ სივრცე თქვენს საწყის ეკრანზე. უბრალოდ გადაიტანეთ ვიჯეტი სხვა ვიჯეტის თავზე ერთ ნაკრებში მოსათავსებლად, შემდეგ გაასრიალეთ თითი ვიჯეტებს შორის გადასართველად. ნებისმიერ დროს შეგიძლიათ თქვენს ნაკრებს დაამატოთ მეტი ვიჯეტი, აღებით და გადატანით.

მიიღეთ შემოთავაზებები საწყის ეკრანზე
ახალი „ჭკვიანი“ შემოთავაზებების ვიჯეტმა თქვენზე ადრე იცის რა გსურთ. ის გთავაზობთ გამოსაყენებელ აპლიკაციებს, ადამიანებთან დარეკვასა და სხვა სასარგებლო მინიშნებებს. შემოთავაზებები დაფუძნებულია თქვენი გამოყენების შაბლონებზე.

რამდენიმე დავალების შესრულება

შეცვალეთ ხედი ჟესტების საშუალებით
გადაერთეთ სრული ეკრანის რეჟიმიდან გაყოფილი ეკრანის რეჟიმზე ეკრანის ქვევიდან ზემოთ ორი თითის გადასრიალებით. გადაერთეთ სრული ეკრანის რეჟიმიდან სარკმლის ხედვის რეჟიმზე, ეკრანის ზედა რომელიმე კუთხიდან შიდა მიმართულებით ერთი თითის გადასრიალებით. ჟესტების ჩართვა ან გამორთვა შესაძლებელია პარამეტრების ლაბორატორიიდან.

სწრაფად გახსენით აპლიკაციები გაყოფილი ეკრანის რეჟიმში
უბრალოდ გადაიტანეთ აპლიკაცია ბოლოდროინდელების გვერდიდან ეკრანის იმ მხარეს, სადაც გსურთ მისი გახსნა.

დაკავშირებული მოწყობილობები

გააკეთეთ მეტი თქვენი დაკავშირებული მოწყობილობებით
პარამეტრებში დაემატა დაკავშირებული მოწყობილობების მენიუ, რაც უფრო სწრაფსა და მარტივს ხდის ისეთ ფუნქციებზე წვდომას, რომელიც მუშაობს სხვა მოწყობილობებზე, მაგ., სწრაფი გაზიარება და Smart View.
დამალეთ შეტყობინებები ტელევიზორზე
როდესაც ათვალიერებთ მასალას ტელეფონიდან ტელევიზორზე Smart View საშუალებით, შეგიძლიათ აირჩიოთ ტელევიზორზე შეტყობინებების დამალვა, რათა თავიდან აიცილოთ სხვა ადამიანების მიერ თქვენი პერსონალური ინფორმაციის დანახვა.

კამერა და გალერეა

გაზარდეთ მასშტაბი უფრო მარტივად ცალი ხელით
მასშტაბირების ზოლი შემცირდა, რათა ერთი გადასმით გაზარდოთ და შეამციროთ ზომა.

მიიღეთ დახმარება Pro რეჟიმით
დახმარების ნიშნანი გამოჩნდება პრო და პროფესიონალური ვიდეოს რეჟიმებში. შეეხეთ ნიშანს სხვადასხვა ლინზების, ვარიანტებისა და მართვის პარამეტრების შესახებ მინიშნებებისა და მითითებების მისაღებად.

დაუმატეთ თქვენს სურათებს წყლის ნიშანი
თითოეულ სურათს ავტომატურად დაამატეთ წყლის ნიშანი, რომელიც მოიცავს სურათის გადაღების თარიღსა და დროს, ტელეფონის მოდელის სახელს ან სხვა მორგებულ ინფორმაციას.

გადაკეთებული მულტი კადრის გადაღება
მულტი კადრის რეჟიმი გამარტივდა და ხელახლა დაორგანიზდა. ნაკლები ვარიანტი და უფრო მოკლე ჩაწერის რაოდენობა გასაოცარი სურათების გადაღებას უფრო სწრაფს და მარტივს ხდის.

აირჩიეთ ფილტრები უფრო მარტივად
ფილტრის არჩევის მენიუ დაორგანიზებულია კამერაში, ფოტო რედაქტორსა და ვიდეო რედაქტორში. ყველა ფილტრი ხელმისაწვდომია ერთ სიაში, რაც უფრო ამარტივებს სურათისთვის ან ვიდეოსთვის იდეალური ფილტრის მოძებნას.

მოირგეთ გალერეის ალბომები
აირჩიეთ, თუ რომელი ალბომები გამოჩნდეს ნაგულისხმევად და დამალეთ ნაკლებად გამოყენებადი ალბომები, ნაკლები არეულობისთვის. ასევე შეგიძლიათ შეაერთოთ ალბომები, რომლებსაც იგივე სახელი აქვთ და შექმნათ ალბომები, რომლებიც ავტომატურად ახლდება თქვენ მიერ გადაღებული სურათების გამოყენებით.

სრულიად ახალი იერის „ამბები”
ამბები, რომლებიც ავტომატურად იქმნება გალერეაში გადაკეთდა ინტერაქტიულ სლაიდშოუს ხედად. უბრალოდ შეეხეთ ან გაუსვით თითი ამბებში სურათებსა და ვიდეოებს შორის გადასასვლელად.

ფოტო და ვიდეო რედაქტორი

შექმენით სტიკერები ნებისმიერი სურათისგან
შექმენით მრავალჯერ გამოყენებადი სტიკერები გალერეაში არსებული ნებისმიერი სურათისგან. უბრალოდ აირჩიეთ სურათის ის ნაწილი, რომლის სტიკერად გამოყენებაც გსურთ, შემდეგ მოარგეთ გარე მოხაზულობის სისქე და ფერი.

GIF-ების შესწორების მეტი გზა
შეგიძლიათ მოჭრათ და მოარგოთ ანიმირებული GIF-ების პროპორციები, რათა გახადოთ ის სასურველი ზომის. ასევე შეგიძლიათ, სურვილისამებრ, GIF-ის გასაფორმებლად გამოიყენოთ იგივე შესწორების ფუნქციები, რომელიც ხელმისაწვდომია უძრავი სურათებისთვის.

შეინარჩუნეთ პორტრეტის რეჟიმის ეფექტები შესწორების შემდეგაც კი
პორტრეტის რეჟიმის ეფექტები ახლა უკვე ნარჩუნდება მოჭრის ან ფილტრების შეცვლის შემდეგ, რათა ნებისმიერ დროს შეძლოთ ფონის გაბუნდოვნების მორგება.

მოხაზეთ იდეალური ფორმები სურათებსა და ვიდეოებზე
გამოიყენეთ კალამი, რათა მოხაზოთ წრის, სამკუთხედის, ოთხკუთხედის ან გულის ფორმები. გააჩერეთ თქვენი თითები ეკრანზე, როდესაც დაასრულებთ ხატვას, რათა მყისვე გარდაქმნას ისინი სწორ ხაზებად და იდეალურ კუთხეებად.

ახალი სტიკერები ფოტოებისა და ვიდეოებისთვის
60 ახალი წინასწარ ჩატვირთული სიცილაკების სტიკერები ხელმისაწვდომია სურათებისა და ვიდეოების გასაფორმებლად.

AR სიცილაკი და სტიკერები

ახალი AR სიცილაკი სტიკერები
როდესაც ქმნით ახალ AR სიცილაკს, ნაგულისხმევად იქმნება 15 სტიკერი, რაც საკუთარი თავის გამოხატვის მეტ საშუალებას გაძლევთ. თუ ეს საკმარისი არ არის, ჩამოსატვირთად ხელმისაწვდომია სხვა AR სიცილაკი სტიკერები, რათა ყოველთვის იპოვოთ თქვენი ემოციის შესაბამისი სტიკერი.

გააკეთეთ მეტი AR სიცილაკებით
გამოიყენეთ გამჭვირვალე ფონები AR სიცილაკის სტიკერებისთვის, ან აირჩიეთ ნებისმიერი სურათი გალერეიდან AR სიცილაკების კამერის ფონად. ასევე შეგიძლიათ დააწყვილოთ ორი სიცილაკი და შექმნათ სასაცილო ცეკვები და პოზები.

Samsung-ის კლავიატურა

ახალი სიცილაკები ხელმისაწვდომია სიცილაკების წყვილებისთვის
Samsung კლავიატურაში ხელმისაწვდომია დამატებით 80-ზე მეტი სიცილაკი სიცილაკების წყვილის შესაქმნელად. ახლა, გარდა სახის გამომეტყველებებისა, შეგიძლიათ გააერთიანოთ სიცილაკები ცხოველების, საკვებისა და სხვა ობიექტების მიხედვით. აირჩიეთ თქვენი გრძნობების გადმოსაცემად იდეალური კომბინაცია.

გადაალაგეთ Samsung კლავიატურის გამოხატულების ღილაკები
მათ გადასაწყობად ხანგრძლივად შეეხეთ სიცილაკს, სტიკერს და სხვა ღილაკებს.

შეიყვანეთ kaomoji პირდაპირ Samsung-ის კლავიატურიდან
გაახალისეთ ჩატები და ტექსტები წინასწარ დაყენებული სახის გამომეტყველებებით, რომლებიც შექმნილია კლავიატურის სიმბოლოების გამოყენებით. (*^.^*)

მოირგეთ ინტერვალის გამოსატოვებელი ღილაკის ზოლი Samsung-ის კლავიატურაში
თქვენ შეგიძლიათ აირჩიოთ, რომელი ფუნქციის ღილაკები და სასვენი ნიშნები აჩვენოთ კლავიატურის ქვედა ზოლში, ინტერვალის გამოსატოვებელი ღილაკის შემდეგ.

ტექსტის ამოღება და ძებნა

ტექსტის ამოღება ნებისმიერი სურათიდან ან გვერდიდან
ამოიღეთ ტექსტი Samsung-ის კლავიატურის, ინტერნეტის, გალერეის გამოყენების ან ეკრანის ანაბეჭდის გადაღების დროს. ჩასვით შედეგი შეტყობინებაში, ელფოსტაში ან დოკუმენტში მისი აკრეფის ნაცვლად.

მიიღეთ შეთავაზებები სურათებში მოცემული ტექსტის საფუძველზე
როდესაც ტექსტი გამოჩნდება სურათზე გალერეაში, კამერაში ან სხვა აპლიკაციებში, ტექსტის საფუძველზე მოხდება მოქმედებების რეკომენდირება. მაგალითად, თუ გადაიღებთ სურათს მასზე ტელეფონის ნომრის ან ვებ-მისამართის გამოსახულებით, შეგიძლიათ შეეხოთ ნომერზე დასარეკად ან საიტზე შესასვლელად.
ტექსტის ამოღება და ფუნქციების შემოთავაზება მხარდაჭერილია მხოლოდ ინგლისური, კორეული, ფრანგული, იტალიური, გერმანული, ესპანური, პორტუგალიური და ჩინური ენებისთვის.

შეტყობინებები

მიიღეთ მხოლოდ თქვენ მიერ დაშვებული შეტყობინებები
აპლიკაციის პირველად გამოყენებისას, გკითხავენ, გსურთ თუ არა მისგან შეტყობინებების მიღება. არ მოგერიდოთ უარის თქმა იმ აპლიკაციებზე, რომლებმაც გსურთ, რომ არ თავი არ მოგაბეზრონ.

უფრო მარტივი წვდომა აპლიკაციის შეტყობინების კონტროლის პარამეტრებზე
აპლიკაცია მეტისმეტად ბევრ შეტყობინებას გიგზავნით? რეორგანიზებული შეტყობინების პარამეტრების საშუალებით ახლა ყველაზე მარტივია მათი დაბლოკვა აპლიკაციის შეტყობინების კონტროლის პარამეტრებით ზემოთ. ასევე შეგიძლიათ გადახვიდეთ პირდაპირ აპლიკაციის შეტყობინების პარამეტრებში შეტყობინების დაფის ქვემოთ არსებულ ღილაკის გამოყენებით.

აირჩიეთ თუ რა ტიპის შეტყობინებების გამოგზავნა შეუძლიათ აპლიკაციებს
ახლა ცალკე შეგიძლიათ აკოანტროლოთ შეუძლიათ თუ არა აპლიკაციებს სარკმელი შეტყობინებების, აპლიკაციის ნიშნის ბეიჯების და სხვა შეტყობინებების ჩვენება დაბლოკილ ეკრანზე. ყველა, ზოგიერთი ან არცერთი ტიპის დაშვება. თქვენზეა დამოკიდებული.

შეტყობინებების ახალი განლაგება
აპლიკაციის ნიშნები უფრო დიდია, რაც უფრო ამარტივებს იმის ნახვას თუ რომელმა აპლიკაციამ გამოაგზავნა შეტყობინება. ასევე, შეტყობინებების წაკითხვის გამარტივებისთვის გაუმჯობესდა ტექსტის სწორება.

პარამეტრები

დააყენეთ ენა თითოეული აპლიკაციისთვის
გსურთ ზოგი აპლიკაციის ერთ ენაზე და სხვა აპლიკაციების სხვა ენაზე გამოყენება? ახლა უკვე შეგიძლიათ პარამეტრებში აირჩიოთ თუ რა ენა იქნება გამოყენებული თითოეული აპლიკაციისთვის.

„არ შემაწუხოთ” რეჟიმისთვის დააყენეთ გამონაკლისები
შეგიძლიათ კონკრეტული კონტაქტები ჩართოთ „არ შემაწუხოთ” რეჟიმის გამონაკლისებში. ტელეფონი დარეკავს ან გამოუშვებს ვიბრაციას, როდესაც თქვენს მიერ არჩეული ადამიანები დაგირეკავენ ან გამოგიგზავნიან შეტყობინებებს, მიუხედავად იმისა, რომ „არ შემაწუხოთ” რეჟიმი ჩართულია. ასევე უფრო მარტივია აპლიკაციების გამონაკლისებში ჩართვა, რათა მიიღოთ შეტყობინებების სიგნალი მათგან მაშინაც კი, როცა „არ შემაწუხოთ რეჟიმი“ ჩართულია. უბრალოდ აირჩიეთ ახალი ბადიდან აპლიკაციები, რაზეც გსურთ ნებართვის მიცემა.

გაუმჯობესებული ხმისა და ვიბრაციის პარამეტრები
მოხდა მენიუების რეორგანიზაცია, რათა უფრო მარტივად იპოვოთ ხმისა და ვიბრაციის საჭირო ვარიანტები. დააყენეთ ზარის მელოდიები და შეცვალეთ ხმის მოცულობისა და ვიბრაციის პარამეტრები ერთსა და იმავე ადგილზე.

ავტომატური ოპტიმიზაცია
„მოწყობილობის მოვლა“ გამართულად ამუშავებს ტელეფონს ფონად ავტომატური ოპტიმიზაციის ჩატარებით. თქვენი ტელეფონის საუკეთესო მდგომარეობაში შესანარჩუნებლად, შეგიძლიათ დააყენოთ საჭიროების შემთხვევაში ტელეფონის ავტომატური გადატვირთვის პარამეტრი.

უსაფრთხოება და კონფიდენციალურობა

შეამოწმეთ თქვენი ტელეფონის უსაფრთხოების სტატუსი თვალის ერთი შევლებით
ახალი უსაფრთხოების სამართავი დაფის პარამეტრები აჩვენებს აქვს თუ არა ტელეფონს რაიმე პრობლემა და გეხმარებათ მათ სწრაფად აღმოფხვრაში.

ვებსაიტების შესახებ უსაფრთხოებისა და კონფიდენციალობის ინფორმაცია
Samsung Internet-ის მისამართის ზოლში გამოჩნდება ნიშანი, რომელიც მიუთითებს საიტის უსაფრთხოების სტატუსზე. შეეხეთ ნიშანს, რათა გაიგოთ რა ინფორმაციას აგროვებს და აკონტროლებს ვებსაიტი.

წვდომა

სწრაფი დაფიდან წვდომის მეტი ვარიანტი
უფრო მარტივი წვდომისთვის შეგიძლიათ სწრაფ დაფაში დაამატოთ მაღალი კონტრასტის ფონტი, ფერის ინვერსია, ფერის მორგება და ფერის ფილტრი.

უფრო მარტივია გამადიდებელზე წვდომა
გამადიდებლის ფუნქციაზე სწრაფი წვდომისთვის ჩართეთ გამადიდებლის მალსახმობი წვდომის პარამეტრებში. გამადიდებელი რეალურ სამყაროში ელემენტების გასადიდებლად იყენებს თქვენი ტელეფონის კამერას, რათა შეძლოთ უფრო ახლოდან დაინახოთ ან უფრო მარტივად წაიკითხოთ ისინი.

უფრო მეტი ხმოვანი დახმარება
აირჩიეთ ხმოვანი უკუკავშირის რამდენიმე ტიპი, რათა ტელეფონით დახმარება მიიღოთ ჰომაშინაც კი, როცა ეკრანს კარგად ვერ ხედავთ. შეგიძლიათ ხმამაღლა წააკითხოთ ტელეფონს კლავიატურით შეტანილი ინფორმაცია, რათა დარწმუნდეთ, რომ ასოებს სწორად კრეფთ, გამოიყენეთ Bixby Vision ახლომახლო ობიექტების ამოსაცნობად და სათქმელად თუ რას წარმოადგენენ ისინი და ჩართეთ აუდიო აღწერები, რომლებიც გიხსნიან თუ რა ხდება ვიდეოში (მხოლოდ მხარდაჭერილი ვიდეოებისთვის).

მარტივად შეასწორეთ თქვენი წვდომის ღილაკი
ხანგრძლივად შეეხეთ წვდომის ღილაკს, რათა სწრაფად შეცვალოთ წვდომის ღილაკით ხელმისაწვდომი ფუნქციები.

Corner ქმედებებისთვის ხელმისაწვდომია ახალი ქმედებები
თუ იყენებთ მაუსს ან სენსორულ დაფას, ახალი ქმედებები ხელმისაწვდომია მაშინ, როდესაც მიიტანთ მაუსის კურსორს ეკრანის 4-დან ერთ-ერთ კუთხეში. ახლა შეგიძლიათ ხანგრძლივად დააწკაპუნოთ, გადაიტანოთ ან აიღოთ და გადაიტანოთ.

დამატებითი ცვლილებები

გამოიყენეთ ერთდროულად რამდენიმე წამზომი
საათის აპლიკაციაში შეგიძლიათ გაუშვათ ახალი ტაიმერი, მაშინაც კი თუ სხვა ტაიმერი უკვე არის მოქმედებაში.

კალენდარის მოვლენების მოწვეულებზე მეტი კონტროლი
როდესაც ამატებთ მოვლენებს თქვენს Google კალენდარში Samsung კალენდრის აპლიკაციაში, შეგიძლიათ აირჩიოთ შეეძლებათ თუ არა მოწვეულებს იხილონ კიდევ ვინ არის მოწვეული და ასევე აირჩიონ შეუძლიათ თუ არა მათ სხვა ადამიანების მოწვევა.

დაუმატეთ ვიდეო კონფერენციები თქვენს მოვლენებს
როდესაც ქმნით Google კალენდრის მოვლენას Samsung კალენდრის აპლიკაციაში, შეგიძლიათ პარალელურად მოაწყოთ ვიდეო კონფერენცია. ყველა, ვინც მოწვეულია მოვლენაზე მიიღებს ვიდეო კონფერენციის ბმულს.

დაამატეთ Google კალენდარს სტიკერები
დაამატეთ Google კალენდარის მოვლენებს სტიკერები Samsung კალენდარის აპლიკაციაში, რათა გახადოთ ისინი ერთი შეხედვით მარტივად დასანახი. სტიკერები ჩანს როგორც კალენდარში, ისე დღის წესრიგის ხედვის დროს.

ადევნეთ თვალი დღევანდელი დრის შემხსენებლებს
ახალი „დღევანდელი დღის“ კატეგორია აჩვენებს მხოლოდ დღევანდელი დღის შემხსენებლებს. ასევე შეგიძლიათ გადაამოწმოთ დღევანდელი დღის შემხსენებლები Reminder აპში ძირითადი ეკრანის ზედა ნაწილში.

გამოაჩინეთ და დამალეთ შესრულებული შემხსენებლები
შეგიძლიათ გამოაჩინოთ ან დამალოთ შესრულებული შემხსენებლები ნებისმიერ კატეგორიაში. გამოაჩინეთ იმის სანახავად, თუ რა შეასრულეთ უკვე, ან დამალეთ, რათა კონცენტრირდეთ იმ საქმეებზე, რომლებიც დაგრჩათ გასაკეთებელი.

აირჩიეთ შემხსენებლების შესაფერისი ხედი
აირჩიეთ მარტივი ხედი, რათა ეკრანზე ერთდროულად იხილოთ მეტი შემხსენებელი ან გაფართოებული ხედი, რომელიც მოიცავს ისეთ დეტალებს, როგორიცაა შესასრულებელი თარიღი და განმეორებითი გარემოებები.

აიღეთ და გადაიტანეთ სანიშნეები საქაღალდეებს შორის
იქონიეთ Samsung Internet-ის სანიშნეები მოწესრიგებულად საქაღალდეებს შორის აღების და გადატანის მეთოდის გამოყენებით.

„ჩემს ფაილებში” უფრო გაუმჯობესებული ძებნა
აირჩიეთ, ყველა ფაილის, თუ მხოლოდ მიმდინარე საქაღალდის ფაილების მოძებნა გსურთ. თქვენ ასევე შეგიძლიათ აირჩიოთ მხოლოდ ფაილების სახელების ძებნასა და ფაილების შიგნით ინფორმაციის ძებნას შორის, როგორიცაა ტექსტი დოკუმენტებში ან ლოკაციის ინფორმაცია სურათებში. როდესაც ძებნა დასრულდება, შეგიძლიათ დაალაგოთ შედეგები სახელის, თარიღის, ზომის ან ფაილის ტიპის მიხედვით.

ციფრული კეთილდღეობის შეცვლილი დიზაინი
ახალი სამართავი დაფა უზრუნველყოფს დეტალების უფრო მარტივ გამოყენებას და აიოლებს საჭირო ფუნქციებზე წვდომას, როგორიცაა აპლიკაციის ტაიმერები და ეკრანის დროის რეპორტები.

მიიღეთ გადაუდებელი დახმარება
სწრაფად დააჭირეთ გვერდითა ღილაკს 5-ჯერ, რათა დარეკოთ გადაუდებელი დახმარების მომსახურებებში, იმ შემთხვევაშიც კი, თუ ტელეფონი თქვენს ჯიბეში გაქვთ ან საუბარი არ შეგიძლიათ.

ჩაშენებული გადაუდებელი დახმარების საკონტაქტო სია
შექმენით გადაუდებელი დახმარების საკონტაქტო სია, რომელიც მოიცავს იმ ადამიანებს, რომლებთანაც გსურთ გადაუდებელი დახმარების საჭიროების დროს დაკავშირება. იგივე საკონტაქტო სიის გამოყენება შესაძლებელია გადაუდებელი დახმარების ფუნქციებისთვის, როგორც თქვენს ჭკვიან საათზე, ისე ტელეფონზე.

გამოაჩინეთ აპლიკაციის დასახელებები აპლიკაციის გვერდით დაფაში
ჩართეთ აპლიკაციის სახელების ჩვენება, რათა აპლიკაციის სახელები გამოჩნდეს აპლიკაციის ნიშნების ქვემოთ.

ზოგიერთი აპლიკაცია ცალკე უნდა განახლდეს One UI 5 განახლების შემდეგ.

ჩაშენების რაოდენობა : A715FXXU8CVI3

Android-ის ვერსია : S(Android 12)

გამოშვების თარიღი : 2022-10-07

უსაფრთხოების შესწორების დონე : 2022-09-01

· თქვენი აპარატის უსაფრთხოება გაიზარდა.

ჩაშენების რაოდენობა : A715FXXU8CVD1

Android-ის ვერსია : S(Android 12)

გამოშვების თარიღი : 2022-05-04

უსაფრთხოების შესწორების დონე : 2022-04-01

One UI 4 პროგრამული განახლება (Android 12)
One UI 4 გთავაზობთ ახალი თვისებების ფართო სპექტრს და გაუმჯობესებებს Galaxy მოწყობილობებისთვის. უფრო ინტუიციური, უფრო გასართობი, უფრო უსაფრთხო და უფრო მარტივი ვიდრე ოდესმე.
ფერთა გამა
შეცვალეთ ტელეფონი უნიკალური ფერებით ფონიდან გამომდინარე.
კონფიდენციალურობა
ნებართვის შესახებ ინფორმაცია ერთი შეხედვით
ნახეთ, როდესაც თითოეულ აპლიკაციას აქვს წვდომა მგრძნობიარე ნებართვებზე, როგორიცაა ლოკაცია, კამერა ან მიკროფონი ნებართვების გამოყენებისას.
კამერის და მიკროფონის მაჩვენებლები
მწვანე წერტილი ჩნდება ეკრანის ზედა მარჯვენა კუთხეში, როდესაც რომელიმე აპლიკაცია იყენებს კამერას ან მიკროფონს.
Samsung-ის კლავიატურა
სწრაფი წვდომა GIF-ებზე, სიცილაკებზე და სტიკერებზე
ისარგებლეთ თქვენი სიცილაკებით, GIF-ებით და სტიკერებით უშუალოდ კლავიატურიდან, ერთი ღილაკის მეშვეობით.
ანიმაციური სიცილაკის წყვილები
გააერთიანეთ ორი სიცილაკი ერთად, შემდეგ დაამატეთ ანიმაცია, რომ რეალურად შეძლოთ ემოციების გამოხატვა.
წერაში დამხმარე
თვალყური ადევნეთ გრამატიკას და მართლწერას ახალი „წერაში დამხმარეს” საშუალებით, რომელიც შექმნილია Grammarly-ის მიერ (მხოლოდ ინგლისური).
უფრო ფართოდ ხელმისაწვდომი კლავიატურის ვარიანტები
კლავიატურის განლაგება, შეყვანის მეთოდები და ფუნქციები კონკრეტული ენებისთვის ახლა უკვე ხელმისაწვდომია უფრო მეტ რეგიონში, ასე რომ ახლა სადაც არ უნდა იყოთ შეგიძლიათ მარტივად აკრიფოთ ტექსტი. პარამეტრების მენიუდან ყოველთვის შეგიძლიათ დაუბრუნდეთ თქვენს წინა განლაგებას.

საწყისი ეკრანი
ვიჯეტის ახალი დიზაინი
ვიჯეტები უკეთესად გამოიყურება ვიდრე ოდესმე, ინფორმაციით, რომლის დანახვაც ადვილია ერთი შეხედვით და უფრო თანმიმდევრული სტილით.
ვიჯეტის უფრო მარტივი არჩევა
გადადით ვიჯეტის სიაში, რომ ნახოთ თითოეული აპლიკაციიდან რა არის ხელმისაწვდომი. თქვენ ასევე მიიღებთ რეკომენდაციებს სასარგებლო ვიჯეტების გამოსაცდელად.
ეკრანის დაბლოკვა
მოუსმინეთ სადაც გსურთ
გადართეთ ტელეფონში აუდიო ყურსასმენი დინამიკებზე, ყველაფერი ეს დაბლოკილი ეკრანიდან.
ხმის ჩამწერი
ჩაწერეთ შეხსენება ტელეფონის განბლოკვის გარეშე.
კალენდარი და განრიგი ერთდროულად
შეამოწმეთ დაბლოკილ ეკრანზე დღევანდელი დღის განრიგი თქვენს კალენდართან ერთად თვის დარჩენილი პერიოდისთვის.
კამერა
უფრო სუფთა ფოტოს რეჟიმი
სცენის ოპტიმიზაციის ღილაკი გამოჩნდება მხოლოდ ფოტო რეჟიმში, თუ არის დაბალი განათება ან ასკანერებთ დოკუმენტს.
მასშტაბის უფრო მკაფიო დონეები
ობიექტივის პიქტოგრამა აჩვენებს მასტაბურობის დონეს, ასე რომ თქვენ იცით, რამდენად გადიდებულია თქვენი მასშტაბი.
გადაიღეთ სწრაფი ვიდეოები
ფოტო რეჟიმში შეგიძლიათ შეეხოთ და გეჭიროთ ჩამკეტის ღილაკი სწრაფი ვიდეო ჩაწერის დასაწყებად, შემდეგ თქვენი თითი გადაიტანეთ დაბლოკვის პიქტოგრამაზე ჩამკეტის დაჭერის ნაცვლად ჩაწერის გასაგრძელებლად.
პროფესიონალური ფოტოგრაფია
პროფესიონალურ რეჟიმში უფრო მკაფიო ხედვა გეხმარებათ ფოკუსირება მოახდინოთ კადრზე და ახალი დონის ინდიკატორები გეხმარებათ დაბალანსებული კადრების შენარჩუნებაში.
გალერეა
გაუმჯობესებული ამბები
თითოეული ამბის ზედა ნაწილში არსებულ გადახედვაზე შეხებით, ისიამოვნეთ ავტომატურად შექმნილი გამორჩეული ვიდეოებით. თქვენ ასევე შეგიძლიათ გაიგოთ, რუქის ახალ ხედში სად არის გადაღებული ამბების სურათები.
უფრო ადვილი ალბომები
ალბომების დალაგება მასში შემავალი სურათისა და ვიდეოს რაოდენობის მიხედვით. გარეყდის სურათი ასევე ჩანს ეკრანის ზედა ნაწილში, როდესაც ათვალიერებთ ალბომს.
სხვა კონტროლი ინფორმაციაზე
შეცვალეთ ან წაშალეთ თქვენი სურათების თარიღი, დრო და ლოკაცია, რომ შეასწოროთ ან შეინახოთ ისინი პრივატულად.
ფოტო და ვიდეო რედაქტორი
სიცილაკი და სტიკერები
გამოიყენეთ სიცილაკი მორცხვი მეგობრის სახის დასაფარად ან დაამატეთ სტიკერები გასართობი სურათებისა და ვიდეოების შესაქმნელად.
ვიდეო კოლაჟები
შექმენით მოძრავი კოლაჟები, რომლებიც მოიცავს სურათებს, ვიდეოებს ან ორივეს კომბინაციას.
ანონსები
მხოლოდ თემა შეარჩიეთ და AI ავტომატურად დაამატებს მუსიკას და გადასვლას თქვენს მიერ გამოყოფილ ვიდეოში.
არასოდეს დაკარგო ორიგინალი
ახლა თქვენ შეგიძლიათ დააბრუნოთ ორივე, სურათი და ვიდეო თავდაპირველ ვერსიაზე მათი შენახვის შემდეგაც კი, ან შეინახოთ მათი ასლები, რომ გქონდეთ როგორც ორიგინალი, ასევე შესწორებული ვერსიები.
AR სიცილაკები
გაამდიდრეთ საკუთარი პროფილი
გამოიყენეთ AR სიცილაკები, როგორც თქვენი პროფილის სურათი კონტაქტებში და Samsung account-ში.
სახის სტიკერები
საკუთარი თავი წარმოიდგინეთ სმაილიკად, ახალი სტიკერებით სმაილიკის სახეზე.
ცეკვა მთელი ღამე
ააცეკვეთ სიცილაკი მოძრაობებით 10 სხვადასხვა კატეგორიიდან, მათ შორის #გართობა, #მაგარი და #წვეულება.
შექმენით საკუთარი ტანსაცმელები
გამოიყენეთ საკუთარი ნახატები უნიკალური ტანსაცმელების შესაქმნელად AR სიცილაკებისთვის.
გაზიარება
სხვა პერსონალიზაცია
დააკონფიგურირეთ აპლიკაციების სია, რომლებიც ჩნდება როდესაც თქვენ აზიარებთ შინაარსს, რათა თავიდან აირიდოთ არეულობა და ფოკუსირება გააკეთოთ მხოლოდ იმ აპლიკაციებზე, რომლებსაც რეგულარულად იყენებთ.
უფრო მარტივი ნავიგაცია
გადაფურცლეთ მარცხნივ ან მარჯვნივ, რათა გადაათვალიეროთ აპლიკაციები და კონტაქტები გაზიარების დროს.
ფოტოების გაზიარება
როდესაც აზიარებთ ფოტოს, რომელიც არ არის ფოკუსში ან არ არის ჩარჩოში, ჩვენ გაცნობებთ ამის შესახებ და შემოგთავაზებთ შესწორებებს.
კალენდარი
მოვლენების სწრაფად დამატება
გჭირდებათ ნაჩქარევად დაამატოთ რაიმე კალენდარს? შეიყვანეთ მხოლოდ სათაური და მზად არის.
წაშლილი მოვლენების აღდგენა
თქვენ მიერ წაშლილი მოვლენები ურნაში რჩება 30 დღის განმავლობაში.
გაუზიარეთ სხვებს
ახლა უფრო ადვილია კალენდრების გაზიარება Galaxy-ის სხვა მომხმარებლებთან.
Samsung-ის ინტერნეტი
ძებნა საწყისი ეკრანიდან
ძიების ახალი ვიჯეტი დაგეხმარებათ იპოვოთ ის, რასაც ეძებთ უშუალოდ საწყისი ეკრანიდან.
საიდუმლო რეჟიმში დაწყება
Samsung-ის ინტერნეტი ავტომატურად დაიწყება საიდუმლო რეჟიმში, თუ თქვენ იყენებდით საიდუმლო რეჟიმს ბოლო დათვალიერების სესიის დროს.
მოწყობილობის მოვლა
კვების ელემენტი და უსაფრთხოება ერთი შეხედვით
კვების ელემენტის და უსაფრთხოების საკითხები გამოჩნდება უშუალოდ მთავარ ეკრანზე, ასე რომ თქვენ შეძლებთ პრობლემების სწრაფად მოგვარებას.
გაიგეთ ტელეფონის საერთო სტატუსი
თქვენი ტელეფონის საერთო სტატუსი გამოსახულია სიცილაკით, ასე რომ მყისიერად მიხვდებით.
დიაგნოსტიკური შემოწმებები
Samsung Members-ის დიაგნოზზე წვდომა „მოწყობილობის მოვლის” მენიუდან. სცადეთ დიაგნოსტიკური ტესტები და გაარკვიეთ აქვს თუ არა თქვენს ტელეფონს პრობლემა და მიიღეთ წინადადებები მის მოსაგვარებლად.
Samsung Health
სულ ახალი დიზაინი
ყველაფერი რაც გჭირდებათ ადვილად ხელმისაწვდომია, როგორც ოთხი ჩანართი ეკრანის ქვედა მხარეს.
ჩემი გვერდი
მიიღეთ ჯანმრთელობის სტატისტიკის, მიღწევების, პირადი საუკეთესოს და პროგრესის შეჯამება „ჩემი გვერდის” ჩანართზე.
გამოიწვიეთ მეგობრები
Together გამოწვევის დაწყება ეხლა უფრო ადვილია, ვიდრე ოდესმე. მოიწვიეთ მეგობრები ბმულის გაგზავნით.
Bixby Routines
სხვა პირობები
დაიწყეთ რუტინული მოქმედებები ზარის ან გარკვეული შეტყობინებების მოსვლის დროს და სხვა.
სხვა კონტროლი
გადაანაწილეთ ქმედებები მათზე შეხების და დაჭერის გზით. დამატებულია გაფართოებული ვარიანტები, რაც საშუალებას გაძლევთ დაელოდოთ ქმედებების დაწყებას, დაადასტუროთ ქმედებები და სხვა.
წვდომა
ყოველთვის იქ, როცა დაგჭირდებათ
უფრო სწრაფი წვდომა ხელმისაწვდომობის ფუნქციების წვდომაზე მცურავი ღილაკით, რომელიც ყოველთვის ხელმისაწვდომია.
მაუსის ჟესტები
შეასრულეთ ქმედებები უფრო სწრაფად მაუსის კურსორის ამოძრავებით ეკრანის 4 კუთხეში.
შეცვალეთ ეკრანი მყისიერად
კონტრასტის და ზომის ერთდროულად შეცვლა მორგებული ეკრანის რეჟიმის გამოყენებით (მაღალი კონტრასტი ან დიდი ეკრანი).
თვალის კომფორტი
თქვენ შეგიძლიათ შეამციროთ გამჭვირვალობა ან დაბინდვა, რომ თვალები კომფორტულად იყვნენ.
სხვა ფუნქციები და გაუმჯობესებები
გაუმჯობესებული Always On Display
დააყენეთ Always On Display, რომელიც ჩაირთვება ნებისმიერ დროს, როდესაც მიიღებთ შეტყობინებას.
გაუმჯობესებული სიბნელის რეჟიმი
სიბნელის რეჟიმი ახლა ავტომატურად ამკრთალებს ფონებსა და პიქტოგრამებს. Samsung Apps-ის ილუსტრაციებს ახლა მუქი ფერებით აქვთ სიბნელის რეჟიმის ვერსიები.
უსაფრთხოება და გადაუდებელი დახმარების მენიუ
პარამეტრებში უსაფრთხოების და გადაუდებელი დახმარების ახალი მენიუ საშუალებას გაძლევთ მართოთ გადაუდებელი დახმარების კონტაქტები და უსაფრთხოების შესახებ ინფორმაცია ყველაფერი ერთი ადგილიდან.
თვალი არ მოაშოროთ გზას
ციფრულ კეთილდღეობაში ახალი „ტრანსპორტის ტარების მონიტორი” აკონტროლებს, როდის იყენებთ ტელეფონს მანქანის მართვის დროს.
გამოტოვეთ სიგნალი მხოლოდ ერთხელ
თქვენ შეგიძლიათ გამორთოთ მაღვიძარა მხოლოდ ერთი შემთხვევისთვის. გამოტოვების შემდეგ ის ავტომატურად ჩაირთვება.
ტექსტიდან ზარებზე გადართვა
შეეხეთ პირის სახელს საუბრის დასაწყისში, რომ ნახოთ მის შესახებ დეტალები ან დაიწყოთ ხმოვანი ან ვიდეოზარი.
შემდეგი აპლიკაციები და ფუნქციები დაემატა: RAM Plus
ზოგიერთი აპლიკაცია ცალკე უნდა განახლდეს One UI 4 განახლების შემდეგ.

ჩაშენების რაოდენობა : A715FXXU8BVA2

Android-ის ვერსია : R(Android 11)

გამოშვების თარიღი : 2022-02-08

უსაფრთხოების შესწორების დონე : 2022-01-01

• მოწყობილობის საერთო სტაბილურობა გაუმჯობესდა.
• თქვენი აპარატის უსაფრთხოება გაიზარდა.

ჩაშენების რაოდენობა : A715FXXU6BUH1

Android-ის ვერსია : R(Android 11)

გამოშვების თარიღი : 2021-08-18

უსაფრთხოების შესწორების დონე : 2021-08-01

ჩაშენების რაოდენობა : A715FXXU5BUF1

Android-ის ვერსია : R(Android 11)

გამოშვების თარიღი : 2021-06-24

უსაფრთხოების შესწორების დონე : 2021-06-01

· თქვენი აპარატის უსაფრთხოება გაიზარდა.

ჩაშენების რაოდენობა : A715FXXU4BUE2

Android-ის ვერსია : R(Android 11)

გამოშვების თარიღი : 2021-05-20

უსაფრთხოების შესწორების დონე : 2021-04-01

· თქვენი აპარატის უსაფრთხოება გაიზარდა.

※ თუ თქვენი მოწყობილობა დაშიფრულია, ის უნდა გაიშიფროს განახლებამდე.

ჩაშენების რაოდენობა : A715FXXS4BUC1

Android-ის ვერსია : R(Android 11)

გამოშვების თარიღი : 2021-05-04

უსაფრთხოების შესწორების დონე : 2021-04-01

· თქვენი აპარატის უსაფრთხოება გაიზარდა.

ჩაშენების რაოდენობა : A715FXXU3BUB5

Android-ის ვერსია : R(Android 11)

გამოშვების თარიღი : 2021-03-17

უსაფრთხოების შესწორების დონე : 2021-02-01

One UI 3.1 პროგრამული განახლება (Android 11)

One UI 3.1 შექმნილია, რათა დაგეხმაროთ კონცენტრირება მოახდინოთ მხოლოდ ძალიან მნიშვნელოვანზე. ვიზუალური დიზაინით გაუმჯობესდა ის ადგილები, რომლებსაც ყველაზე ხშირად სტუმრობთ, როგორიცაა საწყისი ეკრანი და სწრაფი დაფა, რათა არ მოხდეს ყურადღების გაფანტვა, მოხდეს მნიშვნელოვანი ინფორმაციის გამოყოფა და თქვენი გამოცდილება გახდეს უფრო თანმიმდევრული. შესრულების გაუმჯობესება დაეხმარება აპლიკაციებს, რომ უფრო სწრაფად იმუშაონ და ამავდროულად, ნაკლები კვების ელემენტის ენერგია მოიხმარონ. ამასთანავე One UI 3.1 განიჭებთ კონტროლს ახალი კონფიდენციალურობის მართვის საშუალებებით, ერთჯერადი ნებართვებით და გაძლიერებული ციფრული კეთილდღეობით.

ცვლილებების სრული სიის სანახავად ჩაჰყევით ქვემოთ.

ვიზუალური დიზაინი

ჩვენ განვაახლეთ One UI 3.1-ის გარეგნული იერი და აღქმა ბევრი თვალსაზრისით, დიდი და პატარა, დაწყებული ახალი, უფრო თანმიმდევრული პიქტკოგრამებით და დამთავრებული სწრაფი დაფის და შეტყობინებების უფრო გონივრული ორგანიზებით. მოძრაობა უფრო გლუვი და ბუნებრივია, ვიდრე ოდესმე, გაუმჯობესებული ანიმაციებით და სენსორული გამოხმაურებით ზოგადი ურთიერთქმედებებისთვის. ინტერფეისი ადაპტირდება ეკრანის სხვადასხვა ზომებზე, რათა უზრუნველყოს საუკეთესო გამოცდილება ნებისმიერ მოწყობილობაზე, იქნება ეს ტელეფონი, დასაკეცი მოწყობილობა თუ პლანშეტი.

გაუმჯობესებული შესრულება

ჩვენ მოვახდინეთ One UI 3.1-ს ოპტიმიზაცია გაძლიერებული დინამიური მეხსიერების განაწილებით, ისე რომ აპლიკაციებს შეუძლიათ უფრო სწრაფად გაშვება და უკეთესად მუშაობა. ჩვენ ასევე შევზღუდეთ ფონური აქტივობები მუშაობის უკეთესი ხარისხის და ენერგიის უკეთესი გამოყენების უზრუნველსაყოფად.

უკეთესი პერსონალური მოწყობა

• დინამიკურ დაბლოკილ ეკრანს დაემატა გამოსახულების ახალი კატეგორიები და ერთ ჯერზე შეგიძლიათ 5-მდე კატეგორიის არჩევა.

• ეკრანის დაბლოკვაზე შეგიძლიათ დაამატოთ ვიჯეტი დახარჯული დროის შესამოწმებლად.

• ფონის დაყენებისას მიიღეთ ინტერაქტიული წინასწარი დათვალიერება.

• Always On Display და ეკრანის დაბლოკვის რეგულირება გახდა უფრო ადვილი.

• დაამატეთ ზარის ფონი, რათა ნახოთ სურათი ან ვიდეო, როდესაც რეკავთ ან იღებთ ზარს.

• Samsung-ის ინტერნეტში შეგიძლიათ გადაალაგოთ და დაბლოკოთ იარლიყები.

• Bixby Routines-ს ემატება უფრო მეტი კონტროლი, რომ დაგეხმაროთ თქვენი ცხოვრების ავტომატიზირებაში.

• ახალი პიქტოგრამები და ეკრანის დაბლოკვის ვიჯეტები უფრო ადვილს ხდის, რომ იპოვნოთ და აკონტროლოთ თქვენი რუტინული პროცედურები.

• ციფრული კეთილდღეობის გამოყენება ცალკე პერსონალურ და სამსახურის პროფილებთან ერთად.

გაძლიერებული ფუნქციები

საწყისი ეკრანი და ეკრანის დაბლოკვა

• დაამატეთ ვიჯეტები საწყის ეკრანზე აპლიკაციის შეხებით და დაჭერით.

• გამორთეთ ეკრანი საწყისს ან ეკრანის დაბლოკვის ცარიელ სივრცეზე ორჯერ შეხებით. (დააყენეთ ის მენიუდან: პარამეტრები > დამატებითი ფუნქციები > მოძრაობები და ჟესტები.)

• ეკრანის დაბლოკვაზე შეეხეთ საათის ადგილს, რათა ნახოთ ისეთი ვიჯეტები, როგორიცაა კალენდარი, ამინდი და მუსიკა.

ზარები და ჩატები

• იხილეთ საუბრები შეტყობინებების დაფაში განცალკევებით. მუშაობს შეტყობინებებთან და თქვენს რჩეულ ჩატის აპლიკაციებთან.

• ადვილად წაშალეთ დუბლირებულ კონტაქტები, რომლებიც ინახება იმავე ანგარიშში, კონტაქტებში. წაშლილი კონტაქტების შენახვის პერიოდი გახანგრძლივდა 15 დღიდან 30 დღემდე.

• დაემატა ერთი ეკრანიდან მრავალი მობმული კონტაქტების რედაქტირების შესაძლებლობა.

• დაემატა ურნა შეტყობინებებში, ისე რომ ბოლოდროს წაშლილი შეტყობინებები ინახება 30 დღის განმავლობაში.

სურათები და ვიდეოები

• გადაიღეთ სურათები უფრო სწრაფად გაუმჯობესებული ავტომატური ფოკუსის და ავტომატური ექსპოზიციის საშუალებით.

• უფრო ადვილად ნახეთ, შეასწორეთ და გააზიარეთ სურათები და ვიდეოები გარელეადან.

• უფრო სწრაფად იპოვნეთ სურათები და ვიდეობი ახალი ძებნის მახასიათებლებით და კატეგორიებით გალერეაში.

• დააბრუნეთ შესწორებული სურათები თავდაპირველ ვერსიებზე ნებისმიერ დროს, მაშინაც კი, როცა მოხდა მათი შენახვა, ასე რომ, არასოდეს დაკარგავთ კადრს.

პარამეტრები

• პარამეტრებს აქვს ახალი, უფრო მარტივი გარეგნული იერი და აღქმა. Samsung ანგარიში ნაჩვენებია ზედა მხარეს და საწყისი ეკრანის პარამეტრებზე წვდომა ახლა უფრო ადვილია.

• იპოვნეთ საჭირო პარამეტრები უფრო ადვილად, ძებნის ახალი მახასიათებლის საშუალებით. თქვენ უკეთეს შედეგებს მიიღებთ სინონიმებისთვის და ზოგადი ორთოგრაფიული შეცდომებისთვის და თქვენ შეგიძლიათ შეეხოთ იარლიყებს მსგავსი პარამეტრების ჯგუფების სანახავად.

• სწრაფი პარამეტრების ღილაკები შემცირდა, რათა მოგაწოდოთ მხოლოდ ძალიან ხშირად გამოყენებული მახასიათებლები. თქვენ ასევე შეგიძლიათ დაამატოთ ღილაკები, რათა შექმნათ საკუთარი პერსონალური სწრაფი დაფა.

Samsung-ის კლავიატურა

• გაზრდილია შესაყვანი ენების რაოდენობა 370-მდე.

• უფრო ადვილი გახდა სურათების ასლების და ვერიფიკაციის კოდების ჩასმა ტექსტური შეტყობინებებიდან.

• დაემატა ემოჯის და სტიკერების შეთავაზებები ტექსტზე დაფუძნებული სიცილაკების შეყვანის დროს.

• გაუმჯობესდა კლავიატურის განლაგება, რათა შემოგთავაზოთ უფრო დიდი ინტერვალის გამოსატოვებელი კლავიში ქსელის და ელფოსტის მისამართების შეყვანისას.

• კლავიატურის რეორგანიზებული პარამეტრები, რათა გამარტივდეს წვდომა ხშირად გამოყენებულ პარამეტრებთან.

პროდუქტიულობა

შეინარჩუნოთ ჯანსაღი ბალანსი სამუშაოსა და ცხოვრებას შორის განმეორებადი და გართულებული დავალებების შემცირებით და მათთან ეფექტურად გამკლავებით.

• ახალი რუტინული პროცედურების რჩევა მოხდება ყოველდღური ცხოვრების და გამოყენების ჩვევების გათვალისწინებით.

• Bixby Routines უზრუნველყოფს პარამეტრებით, რომ ყველაფერი დაბრუნდეს პირველსაწყისამდე, როგორც იყო რუტინული პროცედურის დაწყებამდე.

• ინტერნეტში შეგიძლიათ დამალოთ სტატუსი და ნავიგაციის პანელები სხვა გამოცდილებისთვის და ვებგვერდების სწრაფად სათარგმნად.

• თქვენ შემოგთავაზებენ, რომ დაბლოკოთ ვებგვერდები, რომლებიც გზავნიან ძალიან ბევრ პოპ-აპს და შეტყობინებას.

• თქვენ შეგიძლიათ დაათვალიეროთ და აირჩიოთ ონლაინ საცავის ფაილები ჩემ ფაილებში არსებული ფაილების ასარჩევი ეკრანიდან.

• ახლა შეგიძლიათ წაშალოთ ქეშ-ფაილები ჩემ ფაილებში, რათა ადვილად გაათავისუფლოთ შესანახი მეხსიერება.

• მოვლენები, რომლებსაც აქვთ ერთი და იგივე დაწყების დრო, აისახება ეკრანზე ერთად თვის განმავლობაში და ჩამონათვალის სახით კალენდარში.

მედიისა და მოწყობილობის ადვილი კონტროლი

მედიისა და მოწყობილობის კონტროლი, შეტყობინებებში არსებული გაუმჯობესებული მედიის პანელით, უფრო ადვილია. თქვენ შეგიძლიათ იხილოთ ბოლო დროს გამოყენებული მედია პროგრამები და სწრაფად შეცვალოთ დასაკრავი მოწყობილობა. პარამეტრების გაუმჯობესებული ფუნქციების მენიუში, ასევე, შეგიძლიათ შეამოწმოთ Android Auto-ს პარამეტრები.

აღმოაჩინეთ და გაიუმჯობესეთ ციფრული ჩვევები

გაუმჯობესებული ციფრული კეთილდღეობის მახასიათებლები უფრო აადვილებენ ტელეფონის ან ტაბლეტის გამოყენების შემოწმებას და გეხმარებათ კარგი ციფრული ჩვევების ჩამოყალიბებაში. შეამოწმეთ თქვენს მიერ მოწყობილობის გამოყენება ავტომანქანის მართვის დროს ან ნახეთ ეკრანზე გამოსახულ დროში მომხდარი ყოველკვირეული ცვლილებები ფუნქციების მიხედვით ყოველკვირეული პროგრამული განახლებული რეპორტების საშუალებით.

წვდომა ყველასთვის

One UI 3.1 გირჩევთ სასარგებლო წვდომის მახასიათებლებს, თქვენს მიერ მოწყობილობის გამოყენების გათვალისწინებით. გაუმჯობესებული წვდომის მალსახმობი ხდისწვდომის მახასიათებლებს უფრო ადვილს დასაწყებად და გამოსაყენებლად. თქვენ შეგიძლიათ გამოიყენოთ კლავიატურით აკრეფილის წარმოთქმის მახასიათებელი, რათა მიიღოთ ხმოვანი უკუკავშირი ბეჭდვის დროს, მაშინაც კი როდესაც TalkBack გამორთულია.

კონფიდენციალურობის უფრო ძლიერი დაცვა

ახლა შეგიძლიათ მხოლოდ ერთჯერადად მისცეთ აპლიკაციას საშუალება წვდომა ჰქონდეს მიკროფონზე, კამერაზე ან ლოკაციაზე. ნებისმიერი ნებართვა, რომელიც აპლიკაციას არ გამოუყენებია გარკევული დროის განმავლობაში, ავტომატურად გაუქმდება. თქვენ აღარ შეგიძლიათ აპლიკაციებს მისცეთ ნებართვა, რომ ყოველთვის ნახონ თქვენი ლოკაცია ჩვეულებრივი ნებართვის პოპ-აპში. აპლიკაციებისთვის ლოკაციაზე წვდომის მისაცემად, როდესაც ისინი არ გამოიყენება, გადადით პარამეტრებში ლოკაციის ნებართვის გვერდზე და აირჩიეთ ეს აპლიკაცია.

კალენდარი

• ღონისძიების სათაურიდან ამოკრიბეთ თარიღი და მისამართი და გაიარეთ ავტომატური რეგისტრაცია.

• მიიღეთ შეტყობინებები SmartThings მოწყობილობებიდან, რომლებსაც ასევე აქვთ განსაზღვრული გრაფიკის შეტყობინებები.

მულტი-ფანჯარა

• ეკრანის კიდესთან ხედვის ეკრანის გადატანით, ახლა შესაძლებელია ფანჯრის დამალვა და თამაშის გაგრძელება.

ყურსარჭების ავტომატური გადართვა

• ყურსასმენის ავტომატური გადართვის მხარდაჭერა Galaxy ტელეფონსა და პლანშეტს შორის.

შეხსენება

• შეხსენების მემოდან ამოკრიბეთ თარიღი და მისამართი და ავტომატურად დარეგისტრირდით და შეიხსენეთ მნიშვნელოვანი ინფორმაცია სიტუაციის მიხედვით.

გაზიარების გვერდი

• ახლა შესაძლებელია გაზიარებამდე ან სოციალურ ქსელში განთავსებამდე კონფიდენციალურობის დაცვა მანამდე გადაღებული ფოტოების ლოკაციის ინფორმაციის წაშლით.

სოციალური პლატფორმა

• დაასინქრონიზეთ მოქმედი ბმულები, რომლებიც იგივე რეგისტრირებული Samsung ანგარიშის მოწყობილობებზეა შექმნილი.

• სოციალური მედიის სერვისების გამოყენება გამარტივდა. შეგიძლიათ თქვენს Samsung ანგარიშში შესვლით მეგობრებს მარტივად გაუზიაროთ პროფილები, ფოტოები, შენიშვნები, გრაფიკები და სხვა.

ჩვენება

• დაემატა თვალის კომფორტის ფარის ფუნქცია.

კამერა

• გაუმჯობესდა მუშაობა. - კამერა

დამატებითი გაუმჯობესებები

• საათშიშეგიძლიათ გაიგონოთ დრო და მაღვიძარას წინასწარ მითითებული სახელი ხმამაღლა იკითხება, როდესაც მაღვიძარა დარეკავს.

ზოგიერთ აპლიკაციას დასჭირდება ცალკე განახლება One UI 3.1-ის განახლების შემდეგ.

პროგრამების ასლებს, რომლებიც დამზადებულია Dual Messenger გამოყენებით, აღარ აქვთ SD ბარათის ფაილებზე პირდაპირი წვდომა. „პროგრამების ასლში“ SD ბარათის ფაილების გასაზიარებლად, აირჩიეთ ფაილები „გალერეა“-დან ან „ჩემი ფაილები“ ან დააჭირეთ გაზიარების ღილაკს და შეარჩიეთ „პროგრამის ასლი“.

თქვენ ვეღარ გამოიყენებთ Wi-Fi Direct-ს ფაილების სხვა მოწყობილობებზე გადასაგზავნად. სანაცვლოდ, შეგიძლიათ გამოიყენოთ Nearby Share. თქვენ ჯერ კიდევ შეგიძლიათ მიიღოთ ფაილები Wi-Fi Direct-ის მეშვეობით.

Smart View-ის მეშვეობით, თქვენ ვეღარ დაუკავშირდებით Chromecast-ს. სანაცვლოდ, შეგიძლიათ გამოიყენოთ Google Home.

ჩაშენების რაოდენობა : A715FXXS3AUB1